Bilinməz nə vaxtdan hərlənir bu tas,

Nə zaman pozular bu gözəl əsas

Belə nazik fikri dərindən duyub

Ağıl ölçüsüylə dərk etmək olmaz.

***

Gəlişimdən fayda görmədi həyat,

Getsəm də dəyişməz qoca kainat,

Bu gəliş-gedişin səbəbi nədir?

Eşidə bilmədim kimsədən, heyhat.

***

Sadəlövh könlümdən mən cana gəldim,

Cəfakeş canımdan fəğana gəldim,

Mənsiz də dünyanın işi keçərmiş,

Əcəba, nə üçün cahana gəldim?

Ömər Xəyyam