Sevdiyim sherler

Bir salama dəymədi

Bu gün mən səni gördüm,

Salam vermək istədim,

Üzunu yana tutdun.

Söylə, illərdən bəri

Qəlbimizin bir duyub

Bir vurdugu illəri,

Axi, nə tez unutdun?

Beş ildə gozumuzdən axan o qanli sellər,

Bir salama dəymədi?

Heç uzumə baxmadan yanimdan necə keçdin?

Sən esqin salamını qorxuyamı dəyişdin?

Yoxsa sən öz əhdinə, ilqarina ağ oldun?

O qədər yaxin ikən, bu qədər uzaq oldun.

Şirin gülüslərimiz, aci fəganlarımız

Bir salama dəymədi?

Qayğılı anlarımız, qayğısız anlarımız

Bir salama dəymədi?

Sən neylədin, bir düşün!

Yalnız indi anladım;
…………….Ah, sən daha mənimcün

Əlçatmaz bir çiçəksən,

Yaşanmiş günlərim tək geri donməyəcəksən!...

Qop ey tufan, əs ey yel!
Xəzəl olum, tökülüm

Düz beş il urəyimdə

Bəslədiyim məhəbbət, bir salama dəymədi.

Bir günlük həsrətimə dözə bilməyən, gülüm,

Bəs nə oldu?
Bu həsrət bir salama dəymədi?

Getdin, dalinca baxdim,
……………Can ayrildi canimdan,

Sən necə etinasız ötə bildin yanimdan?

Ah cəkdim, basim üstə yarpaqlar əsdi, gülüm,

Sənin qəlbin əsmədi.

Arxana da baxmadin!

Niyə sənin yolunu məhəbbətin kəsmədi?...

Qazancimiz de, bumu?

Dəyilməmiş o salam əlvidamiz oldumu?

Sən mənə zülm eylədin, mənə zülm yaraşir.

Bir salama dəyməyən eşqə ölüm yaraşir!

Bəxtiyar Vahabzadə