QATAR

Çıxıb gileyinin dumanlığından,

Bir dərə sükutlu marağa döndüm.

Mənə eylədiyin yamanlığınla

Keçmişin yaxşıdır,yoxsa ki,indin?

Sevgi zirvələşib əlcatmaz oldu

Getdi uzaqlarda isitdi bizi.

Bəlkə soyuyubdur gəncliyin odu.

Gəl günəşə tutaq ürəyimiziİndi ürəyimiz quruca yurddu

Sən unut demişdin,mən də unutdum...

Yaşatdıq ömürdə neçə sualı

Dostların "niyə"si cavabsız qaldı.

Cəsarət istədim içə sualı

O nə məndə oldu,nə səndə oldu...

Bir axşam əllərin göyərçin kimi

Çırpınıb qəfildən çıxdı əlimdən.

Çəmənlər izinin göyərtisimi?

Çiçəklər arxanca baxdı əlimdən.

Bahara bu şaxta haradan düşdü?

Çəmənlər saraldı,güllər büzüşdü.

Atıldı dilimdən "qayıt" nidası.

Sən onda küləklər aparan qayıq

Mənsə tənha qalan həsrət adası.

Uzaqda deyildin,yolun bir addim,

Vüqarım qoymadı bir addım atım

Sən elə bilirsən qurtardı hər şey?!

Sən unut demişdin..